بیزیم ائلیمیزین انسانلاری، قوم، ساوا، تهران، فراهان، همدان، زنگان شهرلرینده و بوتون بو شهرلرین کندلرینده یاشاییرلار. اوزون زامانلاردان بو تایا، حکومتلر بیزیم اوستوموزه باسقی ائله ییپلر. گوچ ایلن بیزی «تاختا قاپی» یاشاما چکیپ، ائلی داغیدیپ و بیزیم یاشاماغیمیزی چتینلیگه سالیپدیرلار. آماچسیز، بیزی مجبور ائله ییپدیرلر فارس شهرلرینده یاشماماغیمیزی صیفرین آلتیندان باشلایاق. بیزیم یاشلی انسانلار چوخ چتین بیراز فارسی دیلی اوگرنمیشدیلر کی شهرده یاشاماقلارینا یئتمه ییردی. ائل اوشاقلاری گرک فارس اوخوللاریندا درس اوخویایدیلار کی هیچ زاد بو دیلدن بیلمزدیلر. بو باسقیلارا قارشی، بیزیم ان آز ایستکلریمیز بولاردیر:
ـ قوم، ساوا، تهران و باشقا شهرلرده کی بیراونملی تورک شاهسئون ییغینجاغی واردیر، گرک تورک دیلی’نده درس اوخویاق. دئولت گرک بو امکانی بیزه یارادا. دئولت گرک دیپلومدان سونرا درس اوخوماق ایسته ینلره ده بورس وئره.
ـ اونون ایچین کی تورک شاهسئون باغداتلی ائلی گوجه باسدی تاختا قاپیدا اولوپ، باغ و باغات و سورولرینی الدن وئریپ، تالان و غارت اولوپلار، گرک بو ثروت الدن وئرمکلری یئرینه قاییدا. بیرینجی ان آزی بو کی بیز 150 ییل وئرگی وئرمه یک.
ـ گرک هر دئموکراتیک دئولت گوجونو بیزیملن پایلاشا و اوز یوردوموزدا گرک ملی حاقلاریمیز اولا. بللیدیر کی بو گوجو بیزیملن پایلاشماق یالنیز بیر دئموکراتیک دئولت الیندن گلر. بیز بیر دئموکراتیک دئولتی ایش اوستونه گتیرمه گه چالیشاجاغیق.
ساوا شهری بیزیم باشکندیمیزدیر و گرک هر دئموکراتیک دئولت بونو تانییا.
ـ بیز اوز دیل و کولتوروموزو اوز اوزوموز قوللانیپ و گلیشتیره جه ییک و هیچ دئولتدن بونون ایچین اذن ایسته میریک.
ـ بیز یئرلریمیزه بونچاق واریمیز کی یاخین 200 ییل بوندان بری قالیپدیر. هر دئولت ایش اوستونده اولسا، گرک بیزیم یئرلریمیزی دالا وئره.
ـ بیزیم اولکه میز ایران’دیر و ایرانلی’ییق و بوتون ایران خالقلارینی اوزوموزه یولداش بیلیریک و بلوچلار، عربلر و فارسلار و …ایلن ایشبیرلیگی ائده جه ییک.
23.03.2023
بسیار مطلب زیبایی بود
با تشکر !
خوشحالم که خوشتون اومد !