اندیم گلدیم خار سندن
قیزل گول قوخار سندن
بیر اوپدیم بیر دیشلدیم
هچ دویمادیم یار سندن
ـ
قارشیدا قوچ یاتیبدیر
قوچ بوینوزون چاتیبدیر
حیف بو قوچا گلسین
قورری یرده یاتیبدیر
ـ
آق آت کیشندی گلدی
گمین دیشلدی گلدی
قربان اولوم قارداشا
تویون باشلادی گلدی
ـ
میخک اکدیم تاسینان
یار توتدوم هاواسینان
منی یاردان آیریدان
گونی قالسین یاسینان
ـ
میخ اکدیم گوردیله
گورممش دردیله
خوش اوکسین حالینا
سودیگینی وردیله
ـ
ساغیز آغاجی هاچا
الدیم دولاشدی ساچا
بیر مرد اوغلان ایسترم
منی گوتیره قاچا
ـ
ساغیز آغاجی قیرلی
دیبنده سو دورولو
خالقین یاری گلنده
منیم بوینوم بورولی
ـ
قایادان خم توکلر
چکمه یاقام سوکیلر
دستمال گتیر گل آبار
گل خرده دادیر توکلر
ـ
آغاج آدیم آغاجا
بیر قوش توددوم بالاجا
قارداش آداخلین گوردیم
گوزو قاشی قاراجا
ـ
شیرازین بوز یولاری
توتوبدی توز یولاری
مولام قاند وریدی
گیچیدیم تز یولاری
ـ
بابا ناچار آغلاما
گونی گیچر آغلاما
قاپینی باغلایان کیشی
اوزو آچار آغلاما
ـ
بیر چای گشدیم داشی یوخ
بیر آت میندیم باشی یوخ
حیف ددمه گلسین
یانیندا قارداشی یوخ
ـ
عزیزیم نار گوندر
آق دستمالا سار گوندر
اکیلممیش آغاچدان
دریلممیش نار گوندر
